|
SubscriptionsSites I Read
|
|
|
|
| 如果我真係一個天才, 咁就根本唔需要走普通人既道路...
因為, 既然有自己既路要行, 硬要走別人既道路祗會事倍功半...
或者, 我一直都走錯路...
唔想再要人decode, 因為其實我唔係encoder..
唔想跟住人地走, 因為其實我係influencer...
今日, 放棄一切, 走一條自己想既路, 反正正正常常咁做都唔會有好成績...
唔正常咁做, 唔好, 都冇人出聲...
| | |
| 我找到了現在時下年青人常講的hea（國際音標作hε）字的正字，我擬作兩個，第一hea本字可能應是一些古漢語或者是上古音遺的字，那麼本字便可能是呬或者愒，首先講呬字，呬字有幾個解釋，分別別是欣喜，喘息，休息，道家吐納之法，治肺病的方法及通訵等的意思，與hea的本意亦類近，首先解作休息的有如《爾雅‧釋詁》下：「呬，息也。」，郭璞‧注：「今東齊呼息為呬也。」，又《說文解字》：「東夷謂息為呬」，又《詩》曰：「犬夷呬矣。」，又張衡《思玄賦》：「呬河林之蓁蓁。」，《方言》第二：「呬，（許四反。）息也。」，而道家吐納之法則有呵呼呬噓吹嘻六字訣，如《雲笈七籤》卷六一：「天師云：『內氣一，吐氣有六。氣道成乃可爲之吐氣。六者：吹、呼、嘻、喣、噓、呬皆出氣也……噓以散滯，呬以解熱。』」、劉侗、于奕正《帝京景物略‧春場》：「六九五十四，口中呬暖氣」，而中醫認為呬是治病的一種方法，如《雲笈七籤‧卷十四》：「治病當用呬」，曾慥《類說》卷四十九引《脩真秘訣》：「六氣者，呬主肺，呵主心，噓主肝，呼主脾」，而通訵則乃《廣韻‧至韻》：「訵 陰知，亦作呬」，可見其休息一項解釋與hea本義頗為接近，我猜想道家的吐納亦與hea有異曲同工之妙，加上上古音泗字屬曉母至韻，上古擬音大概為*xjiər／*xjəd／*hwjidh／*hrids，中古擬音大概為xi／xjĕi／xiei／xji／xiɪ／hiəi／xÄiɪ／hìi，今粵音讀hei3（氣），則上古至中古元音與韻尾都與hea近，而曉母亦與h音同或近，則氣讀hea或者可能由于元音或韻尾的轉變，由旁轉或對轉所得的異讀字，如廣東話的啡字，據何國祥編的《常用字廣州話異讀分類處理》中言，可讀fe1（花些1）或fei1非，又或者可能受hea字後的語氣助詞的影響產生音位流變，如「你想去邊度hea（呬）呀?」，「你呢條友成日都hea（呬）下hea（呬）下咁」，則呬有可能受後面語氣助詞的元音所影響，又或者現在的後生仔認為要拖長韻尾先可以表達出hea字的神髓，由是乃懶音之故。而另一個字愒其實意思更為接近，蓋愒字古同憩，而憩今粵音讀如氣，有休息之意，如《詩‧小雅‧魚藻之什‧菀柳》：「不尚愒焉。」，《詩‧大雅‧民勞》「汔可小愒。」《傳》：「皆訓息也。」，《說文解字》：「息也。从心曷聲。去例切」 臣鉉等曰：「今別作憩，非是」。劉義慶《世說新語‧假譎》：「有一客姥，居店賣食。帝過愒之。」，王安石《自喻》：「釋杖聊一愒，褰裳如可涉」，但亦可另一個解釋，便是荒廢度日，浪費光陰，苟且偷安等，如《左傳‧昭公元年》：「翫歲而愒日，其與幾何？」（不過杜預的言：「翫、愒，皆貪也。」），《漢書‧卷二十七‧五行志中之上》：「趙孟將死矣！主民玩歲而愒日，其與幾何？」，《宋史‧卷四三七‧儒林傳七‧真德秀傳》：「此皆前權臣玩愒之罪，今日措置之失。」，陳造《即事詩》：「問俗即今防愒日，來時撫事錯銷魂。」，清‧李文炤《勤訓》：「無如人之常情，惡勞而好逸，甘食褕衣，玩日愒歲。」，而hae更有個意思是指人近來頹了或比以前衰退了，則愒亦有一個解釋類近似，如愒陰，即同為《左傳》：「翫歲而愒日」，以喻衰暮苟延也。又如《南史‧虞奇傳》：「沈痼彌留，愒陰將盡」，又《周書‧王褒傳》：「吾已愒陰，弟非茂齒。」，另還有一個解釋便是急，《公羊傳》：「不及時而日愒葬也。」 《註》：「急也。 或作渴，又作幆」－謹按今本公羊傳作渴，惟《廣韻》引《公羊》作愒。謹改爲《廣韻》引《公羊傳》：「不及時而葬曰愒。愒，急也。今本作渴。」，又岳琦《桯史》卷十：「時蘊古家在幽燕，自知失言，內愒不得對」，又《農政全書‧農器‧圖譜一》：「田野小民，歲多租賃，以愒目前。」，另一種解釋是貪，如《玉篇‧心部》：「愒，貪羨也」，曹操《氣出口唱三首》之一「心恬澹，無所愒。」，最後一個解釋便是恐嚇，如《集韻‧曷韻》：「愒，相恐怯也。」，又《史記‧蘇秦列傳》：「是故夫衡人日夜務以秦權恐愒諸侯」司馬貞索隱：「愒，謂之恐脅也。」。所以似乎愒字在詞義上比較貼切，雖然愒字在粵語有另外兩個讀音，便是hot3（喝）及koi3（慨），但照最緊要正字的專家所言，一般人讀某些字會只取其中的一個讀音，而忽略其他的讀音，如為虎作倀的倀字。所以愒字也應該是hea的正字。又有人研究lε hε正字為厲揭，該文作者認為揭應讀器，揭中古有去例切一音，今日訛變或音變讀hε似也不出奇，而愒的聲旁與揭一樣，則愒讀hε似亦可通。而騎字中古韻屬支韻，呢字中古韻屬脂韻，同為止攝，今粵音均白讀khε（如廣州、番禺市橋、中山石岐及東莞莞城等）及lε，而騎、呬字中古同屬止攝重紐三等，呬與呢字亦同屬支部，因此今白讀hε也竝非為奇。
近日發覺還有一貼切的字便是戲：楊雄方言第十：「媱，愓，遊也。江沅之間謂戲為媱，或謂之愓，或謂之嬉。（香其反。）」，又「戲，泄，歇也。楚謂之戲泄。奄，息也，楚揚謂之泄。」，戲字上古屬曉母，歌部支B，擬音應為*xja／*xia／*qhral／*hjar，中古同樣亦為曉紐支韻，擬音為xie／xjie̯／xje̯／xi(e／xie／xiε／xÄi£／hìie，加上戲大家都知有嬉戲，遊戲之義，又或者逢場作戲等不太認真的認識，所以戲通hae也不出奇。 | | |
| 因為有要求所以唔滿足, 因為唔滿足所以唔開心... 因為有要求所以唔開心? 唯有, 要求自己開心少少... | | |
| 上兩個月換左一對新波鞋... 造鞋廠design 左一條line 今期個style 叫"remix"...
而我買果個款聲稱係"remix" 1997年 Dennis Rodman 對 Air Shake Ndestrukt 
同 Charles Barkley 對Air Max 2 CB34 ...
兩對當時都標價$899.00... 但係都炒到去年度$1399-1699... 先得果中二三邊有錢去買...
雖然我around 果時都有對 uptempo 同 penny iv...
新鞋叫zoom sharkley... 即係Shake + Barkley... ><" 另新加 Pistons SF Tayshuan Prince #22 signature edition...
 
不過, 唔係因為上一對爛晒... total loss 都唔會買新鞋...
因為念念不忘既關係, 結果都用左兩個月去搵...
尋日終於見倒... deadstock 7.5us... 唔岩... 兩年前都係deadstock 既last one都報銷又點會可以搵多對...
失望... R.I.P. Air Force Max 94.
(雖然我果對係啡色premium版)...
因為其實係2000年retro 既鞋, 賣唔去都著唔倒...
結果, 唯有寄望新鞋會越來越好著... 唯有係咁...
自己個style 仲徘徊係 90 年代, 因為太鍾意果種創新, 大膽未來風格... 創意同技術結合係futurism 既高峰, 都係技窮沒落既開始...
依家不停回望過去復刻復刻又復刻, 根本冇得比... 唉...
始終都係回望細個擁有既... 重新擁有... 自己, 都係走"復刻" 之路...
結果行街走左去模形鋪... 竟然俾我搵倒d 回憶... 第一架四驅車... (咪都仲係復刻...)
 
1989年... 記得中三之後都叫再搵左3-4年, 不過都搵唔番... 2008 年既今日... 係番當年Daddy 買同一間鋪搵番... 歷時15年...
記得個個朋友仔都係卡影片主角車, 我果架偏偏"從來冇上過電視" (好似價錢仲平少少...) 個個都改車用差電, 我就普普通通咩都冇... 真係, 唔係好開心...
結果, 中二, 我記得用左around 700蚊改車... 依家仲係度, 不過, 當時唔記得捱左幾耐肚餓(頂多食杯麫做晏...)...
細個朋友仔著Jordan 我就得Yasaki... 成日都唔鍾意自己窮... 所以升中學就自己儲錢買衫褲鞋襪... 表面上點都唔可以差人好多...
結果冇諗過自己健康家人辛苦...
盒玩具結果唔捨得拆... 我原來仲有好多童年回憶, 仲未搵番... 依家諗番有好多細個唔鍾意既野... 因為咁喊過好多次... 反而依家真係好珍惜...
多謝爸爸媽媽...
| | |
| 係自己中眼中, 我唔鍾意嬲人, 都唔鍾意記仇, 所以都唔算有太多敵人...
敵人係自己既定義裡面並唔係來自仇恨, 而係來自競爭.
有一個競爭目標, 自己先會努力前進, 否則, 真係會有少少頹.
所以, 幾時都會想去"樹敵無數", 不過, 要搵一個假想敵, 其實都幾難...
因為, 通常係競爭其實都會發展倒關係...
依家既工作環境, 都幾難... 希望自己會為一個見唔倒既自己而努力...
其實, 我唔鍾意真係"樹敵", 因為, 得罪我既... 其實, 我根本唔會記得(佢)...
| | |
|
